Hoxe celébrase o 175 aniversario do nacemento da coñecida escritora galega, Rosalía de Castro.
Aquí vos deixamos a interpretación musical que Luz Casal fixo do seu poema "Negra Sombra" pertencente ao libro de Rosalía "Follas Novas" (1880).
"Negra Sombra" converteuse nunha das máis emblemáticas cancións da música galega e é considerado un dos cantos máis fermosos e elementais.
Cando penso que te fuches,
negra sombra que me asombras,
ó pé dos meus cabezales
tornas facéndome mofa.
negra sombra que me asombras,
ó pé dos meus cabezales
tornas facéndome mofa.
Cando maxino que es ida,
no mesmo sol te me amostras,
i eres a estrela que brila,
i eres o vento que zoa.
no mesmo sol te me amostras,
i eres a estrela que brila,
i eres o vento que zoa.
Si cantan, es ti que cantas,
si choran, es ti que choras,
i es o marmurio do río
i es a noite i es a aurora.
si choran, es ti que choras,
i es o marmurio do río
i es a noite i es a aurora.
En todo estás e ti es todo,
pra min i en min mesma moras,
nin me abandonarás nunca,
sombra que sempre me asombras.
pra min i en min mesma moras,
nin me abandonarás nunca,
sombra que sempre me asombras.
Rosalía de Castro.
Rosalie é sentimento galego. Negra Sombra podemos dicir que é o himno non oficial da nosa terra.
ResponderEliminarBo traballo nenas, preciosa reseña neste dia tan especial.
Maijo
ResponderEliminarA selección do tema é do mais acertado.
Noraboa